Jiiva: ஜீவா ஜோடியாக சூர்யா பட ஹீரோயின்! முக்கிய ரோலில் அர்ஜுன் நடிக்கும் ஹாரர் படம் – jiiva and arjun join for horror thriller methavi directed by pa vijay


நடிகர் ஜீவா நடித்த ஜிப்ஸி படம் பல்வேறு சர்ச்சைகளுக்கு பிறகு மார்ச் மாதம் தான் திரைக்கு வந்தது. அதற்கு பிறகு ஜீவா ‘களத்தில் சந்திப்போம்’ என்கிற படத்தில் நடித்து வந்தார். மேலும் 83 என்ற ஹிந்தி படத்திலும் நடித்து முடித்துள்ளார் அவர்.

இந்நிலையில் ஜீவா நடிக்கும் அடுத்த படம் பற்றிய அதிகாரப்பூர்வ அறிவிப் தற்போது வந்துள்ளது. பாடலாசிரியர், நடிகர், இயக்குனர் என பன்முகத் திறமைகள் கொண்ட பா.விஜய் தான் இந்த படத்தினை இயக்குகிறார். மேதாவி என இந்த படத்திற்க்கு பெயர் சூட்டியுள்ளனர். இதற்கு முன்பு ஸ்ட்ராபெரி மற்றும் ஆருத்ரா ஆகிய படங்களை பா.விஜய் இயக்கியுள்ளார். இயக்குநராக அவருக்கு இது மூன்றாவது படம்.

நடிகர் அர்ஜுன் இதில் முக்கிய வேடத்தில் நடிக்கிறார். ஜீவாவுக்கு ஜோடியாக ராஷி கண்ணா நடிக்கவுள்ளார் என்றும் அந்த அறிவிப்பில் தெரிவித்துள்ளனர். ஏற்கனவே சூர்யாவின் அருவா படத்தில் ராஷி கண்ணா நடிப்பதாக கூறப்பட்டுள்ள நிலையில், இப்போது ஜீவா படத்தில் அவர் ஒப்பந்தம் ஆகியுள்ளார்.

மக்கள் அரசன் பிக்சர்ஸ் நிறுவனம் சு.ராஜா என்பவர் தான் இந்த படத்தினை தயாரிக்க உள்ளார். இந்த படத்தின் அதிகாரபூர்வ அறிவிப்பு தற்போது வெளிவந்துள்ள நிலையில் தயாரிப்பாளர் ராஜா FEFSI சங்க தொழிலாளர்களுக்கு உதவும் விதமாக 1,25,000 கிலோ அரிசியை வழங்கியுள்ளார்.

ஐந்து கிலோ பைகள் 25,000 வழங்கியுள்ளார் அவர். இதற்க்கு சினிமா துறையினர் பாராட்டு தெரிவித்து வருகின்றனர். அவர் கொடுத்த அரிசி தற்போது வேலை இல்லாமல் இருக்கும் சினிமா தொழிலாளர்களுக்கு வழங்கப்பட உள்ளது.

ஆருத்ரா படத்தின் பணிகள் முடித்த பிறகு மேதாவி படத்தின் கதையை யோசித்ததாகவும், அந்த படத்தின் ஸ்கிரிப்டிங் பணிகள் கடந்த ஆறு மாதமாக நடந்து வருகிறது என்று கூறியுள்ளார் பா.விஜய். கதையை தயாரிப்பாளரிடம் கூறியதும் அவருக்கு அது அதிகம் பிடித்திருந்ததால் முதற்கட்ட பணிகளை தற்போதே தொடங்கிவிட்டோம் என தெரிவித்துள்ளார் பா.விஜய்.

மேதாவி படத்திற்கு யுவன் ஷங்கர் ராஜா தான் இசையமைக்க உள்ளார். இந்த ஹாரர் படத்திற்கான இசையமைக்கும் பணிகளை யுவன் சென்ற திங்கட்கிழமை முதல் துவங்கிவிட்டதாக பா.விஜய் கூறியுள்ளார்.

இதற்கு முன்பு பாடல் ஆசிரியராக யுவன் ஷங்கர் ராஜா உடன் பல படங்களில் பா.விஜய் பணியாற்றி இருந்தாலும், ஒரு இயக்குனராக யுவன் உடன் பணியாற்றுவது இது முதல் முறை.

ஜீவா, ராஷி கண்ணா, அர்ஜுன் மட்டுமின்றி பீகிள் இந்திரஜா, காமெடி நடிகர்கள் ஷா ரா, கலக்கப்போவது யாரு தீனா, ராதா ரவி, ரோகினி, ஒய்.ஜி.மகேந்திரன் உள்ளிட்ட பலர் இந்த படத்தில் முக்கிய வேடங்களில் நடிக்கவுள்ளனர்.

தற்போது கொரோனா முழு அடைப்பு பிறப்பிக்கப்பட்டுள்ளது என்பதால் ஷூட்டிங் நடத்த முடியாத சூழ்நிலை உள்ளது. அரசு அனுமதி அளித்த பிறகு மேதாவி படத்தின் ஷூட்டிங் துவங்கப்படும் என்று பா.விஜய் தெரிவித்துள்ளார்.

இருப்பினும் pre-production பணிகளை நிலைமையை பொறுத்து விரைவில் துவங்க திட்டமிட்டு வருவதாகவும் கூறியுள்ளார் அவர். முழு ஊரடங்கு முடிவடைந்த பிறகு தான் இதுபற்றிய அதிகாரப்பூர்வ அறிவிப்பு வரும் என எதிர்பார்க்கப் படுகிறது.



Source link

Leave a Reply

Your email address will not be published. Required fields are marked *