Ka Pae Ranasingam: க/பெ ரணசிங்கம் ஃபர்ஸ்ட் லுக் போஸ்டர் வெளியானது: டீசர் தேதியும் அறிவிப்பு – ka pae ranasingam first look poster released, teaser to release tomorrow


விஜய் சேதுபதிஐஸ்வர்யா ராஜேஷ் ஆகியோர் இணைந்து நடித்துள்ள படம் க/பெ ரணசிங்கம். கேஜெஆர் ஸ்டுடியோஸ் நிறுவனம் இதை தயாரித்துள்ளது. இந்த படத்தின் பர்ஸ்ட் லுக் போஸ்டர் தற்போது அதிகாரபூர்வமாக வெளியிடப்பட்டுள்ளது. அதில் விஜய் சேதுபதி மற்றும் ஐஸ்வர்யா ராஜேஷ் இருவரும் இடம்பெற்றுள்ளனர்.
அது தற்போது இணையத்தில் வைரலாகி வருகிறது. இந்த படம் பற்றி மேலும் ஒரு அறிவிப்பினை தயாரிப்பு நிறுவனம் வெளியிட்டுள்ளது. இதன் டீசர் நாளை காலை 11.03 மணிக்கு வெளியாகிறது என்பது தான் அந்த ஆறிவிப்பு.

“க/பெ ரணசிங்கம்” படம் நீதி, சரி, தவறு, சமத்துவம் மற்றும் பல விஷயங்கள் பற்றிப் பேசும் என கூறியுள்ள தயாரிப்பு நிறுவனம் தாங்கள் இதை தயாரித்ததை பெருமையாக கருதுவதாகவும் தெரிவித்துள்ளனர்.

இந்த படத்தில் நடிகர் விஜய் சேதுபதிக்கு மனைவியாக தான் ஐஷ்வர்யா ராஜேஷ் நடித்துள்ளார். கணவர் காணாமல் போய்விட்ட நிலையில் அவரை கண்டறிய மனைவி எடுக்கும் முயற்ச்சிகள் தான் இந்த படத்தில் காட்டப்படும் என கூறப்படுகிறது. அதனால் விஜய் சேதுபதிக்கு இந்த படத்தில் கவுரவ தோற்றம் தான். ஐஸ்வர்யா ராஜேஷை சுற்றித் தான் படத்தின் நகரும்.

இதற்கு முன்பு இவர்கள் இருவரும் ரம்மி, பண்ணையாரும் பத்மினியும், தர்ம துரை, இடம் பொருள் ஏவல் போன்ற படங்களில் இணைந்து நடித்துள்ளனர் என்பது குறிப்பிடத்தக்கது.

விஜய் சேதுபதி, ஐஸ்வர்யா ராஜேஷ் மட்டுமின்றி இந்த படத்தில் ரங்கராஜ் பாண்டே, சமுத்திரக்கனி, ‘பூ’ ராம், வேல.ராமமூர்த்தி உள்ளிட்ட பலர் நடித்துள்ளனர். நேர்கொண்ட பார்வை படத்திற்கு பிறகு ரங்கராஜ் பாண்டே நடிக்கும் இரண்டாவது படம் இது.

இந்த படத்தில் நடித்த அனுபவம் பற்றி பகிர்ந்திருந்த ரங்கராஜ் பாண்டே, “விஜய் சேதுபதி மற்றும் ஐஸ்வர்யா ராஜேஷ் ஆகியோரின் நடிப்பை நேரில் பார்த்து வியந்தேன்” என கூறியுள்ளார்.

க/பெ ரணசிங்கம் படத்திற்கு ஜிப்ரான் இசையமைத்து வருகிறார். தற்போது கொரோனா லாக்டவுனில் அந்த படத்திற்காக பணியாற்றி வரும் அவர் தான் படத்தை பார்த்து வியந்ததாக கூறி இருந்தார். நயன்தாராவின் அறம் படத்தோடு அதை ஒப்பிட்டிருந்தார் அவர். “அறம் படத்திற்கு பிறகு தமிழ் சினிமாவிற்கு மிக முக்கிய படமாக இது இருக்கும்” என ஜிப்ரான் கூறியுள்ளார்.

ஜிப்ரான் இப்படி கூறி இருப்பது எதிர்பார்ப்பை பல மடங்கு கூட்டி இருக்கிறது என்பது குறிப்பிடத்தக்கது. நாளை டீசர் வெளிவரும் நிலையில் அது இன்னும் எதிர்பார்ப்பை கூட்டலாம். க/பெ ரணசிங்கம் படத்தின் இயக்குனர் விருமாண்டி, பிரபல குணச்சித்திர நடிகர் பெரிய கருப்ப தேவரின் மகன் என்பது குறிப்பிடத்தக்கது.

விஜய் சேதுபதி, ஐஸ்வர்யா ராஜேஷ் இதற்கு முன்பு இணைந்து நடித்த இடம் பொருள் ஏவல் படம் கடந்த பல வருடங்களாக கிடப்பில் இருக்கிறது. அதில் அவர்கள் ஜோடியாக நடிக்கவில்லை என்பது குறிப்பிடத்தக்கது. ஆறு வருடங்களாக கிடப்பில் இருக்கும் அந்த படம் விரைவில் ரிலீஸ் ஆக உள்ளது என இயக்குனர் சீனு ராமசாமி இன்று காலை ட்விட்டரில் கூறி இருந்தார்.

லாக்டவுன் முடிந்ததும் இடம் பொருள் ஏவல் ரிலீஸ்: சீனு ராமசாமி உருக்கமான ட்விட்



Source link

Leave a Reply

Your email address will not be published. Required fields are marked *