Khushi Kapoor: அம்மா, அக்கா போல நான் அழகில்லை என கிண்டல் பண்ணாங்க: ஸ்ரீதேவி மகள் உருக்கம் – people compared me with mom, janhvi and made fun: khushi kapoor


மறைந்த நடிகை ஸ்ரீதேவியின் இளைய மகள் குஷி கபூர் குண்டாக இருந்தார். அதில் அவருக்கு எந்த பிரச்சனையும் இல்லை. ஸ்ரீதேவியும் சரி, தயாரிப்பாளர் போனி கபூரும் சரி குஷி குண்டாக இருந்ததை பெரிய விஷயமாக எடுத்துக் கொள்ளவில்லை. ஆனால் மற்றவர்களோ குஷியை சின்னப் பிள்ளை என்றும் பாராமல் அவரை ஸ்ரீதேவி மற்றும் ஜான்வி கபூருடன் ஒப்பிட்டு பேசினார்கள்.

அம்மா எவ்வளவு அழகாக இருக்கிறார், அக்கா ஜான்வி ஸ்லிம்மாக லட்சணமாக இருக்கிறார். ஆனால் இந்த குஷியை பார்த்தால் இப்படி இருக்கிறாரே என்று ஒரு சிறுமியை விமர்சித்தார்கள். அதன் பிறகு குஷி தன் உடல் எடையை வெகுவாக குறைத்து ஒல்லிக்குச்சியாகிவிட்டார்.

samayam tamil

khushi kapoor

குஷி ஒல்லியான பிறகு அவரை பார்த்தவர்கள் அந்த குஷியா இந்த குஷி என்று வாயைப் பிளந்தனர். உடம்பை குறைத்த பிறகு குஷிக்கும் அம்மா, அக்கா வழியில் நடிகையாக ஆசை வந்துவிட்டது. இதையடுத்து அவர் அமெரிக்காவில் நடிப்பு தொடர்பாக படித்துக் கொண்டிருக்கிறார்.

தற்போது லாக்டவுனால் மும்பையில் அப்பா, அக்காவுடன் இருக்கிறார் குஷி. இந்நிலையில் குஷி பற்றிய வீடியோ ஒன்று இன்ஸ்டாகிராமில் வெளியாகி வைரலாகியுள்ளது. அந்த வீடியோவில் குஷி தன்னை பற்றி பேசியிருக்கிறார்.

தான் ஒரு சாதாரண 19 வயது பெண் என்றும், தான் ஒன்றுமே செய்யாத போதிலும் மக்கள் தன்னை பாராட்டுவதும், புகழ்வதும் ஆறுதலாக உள்ளது என்றும் குஷி அந்த வீடியோவில் தெரிவித்துள்ளார். குஷி மேலும் கூறியிருப்பதாவது, அடுத்தவர்களை சந்தோஷப்படுத்தும் சக்தி என்னிடம் உள்ளது. நான் ரொம்ப கூச்சப்படுபவள். நான் பார்ப்பதற்கு அம்மா, அக்கா ஜான்வி போன்று இல்லை என்று முன்பு அடிக்கடி கிண்டல் செய்தார்கள்.

samayam tamil

sridevi

அந்த கேலி, கிண்டல்களால் நான் சாப்பிடுவது மற்றும் உடை அணியும் முறை மாறியது. அப்படியும் மக்கள் என்னை விமர்சித்தார்கள். அந்த வெறுப்பு என்னை பாதித்தது. நான் நானாக இருக்கிறேன். அதனால் விமர்சனங்களை எனக்கு கையாளத் தெரியவில்லை. என் தன்னம்பிக்கை பாதிக்கப்பட்டது என்றார்.

அந்த வீடியோவை பார்த்த ஜான்வி, குஷியின் ரசிகர்கள் பாவப்பட்டுள்ளனர். வயது 19 தான் என்றாலும் குஷி தான் தன்னை விட மெச்சூரானவர் என்றும், பல நேரங்களில் தனக்கு தாய் போன்று இருப்பதாகவும் ஜான்வி முன்பு தெரிவித்தார். லாக்டவுன் நேரத்தில் தங்கை தன்னுடன் இருப்பது பெரு மகிழ்ச்சியாக உள்ளது என்று ஜான்வி இன்ஸ்டாகிராமில் கூறியுள்ளார்.

குஷியை மட்டும் அல்ல முன்னதாக ஜான்வியையும் அவரின் லுக்கிற்காக பலரும் விமர்சித்தார்கள். ஸ்ரீதேவி வயதாகியும் அப்படியே இருக்கிறார். ஆனால் அவரின் மகள்கள் அவரை போன்று அழகாக இல்லையே. மூத்த மகள் ரொம்பவே சுமாராக இருக்கிறார் என்று விமர்சித்தார்கள். ஜான்விக்கு ஜிம்மிற்கு சென்று ஒர்க்அவுட் செய்வது என்றால் மிகவும் பிடிக்கும்.

samayam tamil

janhvi kapoor

அவர் நடிக்க வருவதற்கு முன்பே ஜிம்மிற்கு தினமும் செல்வதை பார்த்த பாலிவுட்காரர்கள் சிலர் அவரை கிண்டல் செய்துள்ளனர். நடிகையாக ஆசைப்படுகிறாள், அதனால் தான் ஜிம்மே கதி என்று கிடக்கிறாள் என தன்னை சிலர் கிண்டல் செய்ததாக ஜான்வி ஸ்ரீதேவியிடம் சொல்லி அழுதது உண்டு என்பது குறிப்பிடத்தக்கது.





Source link

Leave a Reply

Your email address will not be published. Required fields are marked *