Lokesh Kanagaraj: அட்லீயின் ‘அந்தகாரம்’ முழு படத்தை பார்த்த லோகேஷ் கனகராஜ்! என்ன விமர்சனம் கூறியுள்ளார் பாருங்க – lokesh kanagaraj heaps praise after watching andhaghaaram full movie


கைதி படத்தில் வில்லனாக நடித்த அர்ஜுன் தாஸ் நடித்துள்ள அந்தகாரம் படத்தின் ட்ரைலர் சமீபத்தில் வெளியாகி இணையத்தில் வைரலானது. இயக்குனர் அட்லீயின் தயாரிப்பு நிறுவனம் தான் இந்த படத்தினை வெளியிடுகிறது.

அந்தகாரம் ட்ரைலரை பார்த்துவிட்டு பல பிரபலங்கள் பாராட்டினர். பாலிவுட் இயக்குனர் கரண் ஜோகர் இதனை ட்விட்டரில் பாராட்டி தள்ளியிருந்தார்.

தற்போது அந்தகாரம் முழு படத்தையும் மாஸ்டர் பட இயக்குனர் லோகேஷ் கனகராஜ் பார்த்தாராம். அவர் அது பற்றி ட்விட்டரில் பதிவிட்டுள்ளார்.

“அந்தகாரம் திரைப்படத்தை பார்க்கும் சிறப்பான வாய்ப்பு கிடைத்தது. இப்படி ஒரு பிரில்லியண்ட் படத்தை நான் சமீபத்தில் எதுவும் பார்க்கவில்லை. விக்னராஜன் (இயக்குனர்) உங்களின் கதை கூறும் விதத்திற்கு நான் ரசிகன் ஆகிவிட்டேன். அர்ஜுன் தாஸ், வினோத் கிஷன் நடிப்பில் மிரட்டியுள்ளனர். வாழ்த்துக்கள் அட்லீ. உங்கள் கையில் ஒரு வெற்றி படம் இருக்கிறது” என லோகேஷ் கனகராஜ் கூறியுள்ளார்.

விஜய் நடிப்பில் மாஸ்டர் என்ற மெகா பட்ஜெட் படத்தினை இயக்கி முடித்துள்ள லோகேஷ் கனகராஜ் அந்தகாரம் படத்தினை பாராட்டி இருப்பது ரசிகர்கள் மத்தியில் வைரலாகி வருகிறது.

பிகில் படத்திற்கு பிறகு அட்லீ தற்போது வரை தனது அடுத்த படத்தை அறிவிக்காமல் இருக்கிறார். அட்லீ அடுத்து ஷாருக் கான் நடிப்பில் ஒரு படம் மூலமாக பாலிவுட்டில் அறிமுகம் ஆகிறார் என கூறப்படுகிறது. இருப்பினும் அதை பற்றிய அதிகாரபூர்வ அறிவிப்பு எதுவும் வரவில்லை.இருப்பினும் தன்னுடைய தயாரிப்பு நிறுவனம் மூலமாக அந்தகாரம் படத்தினை மிக பிரம்மாண்டமாக ரிலீஸ் செய்யும் முயற்சியில் ஈடுபட்டு வருகிறார்.



Source link

Leave a Reply

Your email address will not be published. Required fields are marked *