mohanlal: போன் செய்து சர்ப்ரைஸ் கொடுத்த நடிகர் மோகன்லால்! யாருக்குனு பாருங்க – mohanlal surprise phone call to nurses in uae


கொரோனா வைரஸ் தொற்று இந்தியா முழுவதும் பல்வேறு மாநிலங்களில் தொடர்ந்து அதிகரித்து வருகிறது. தமிழ்நாட்டில் ஒவ்வொரு நாளும் 500க்கும் அதிகமான நபர்களுக்கு கொரோனா உறுதி செய்யப்பட்டு வருகிறது.

நடிகர் மோகன்லால் கொரோனா தடுப்பு நடவடிக்கைக்காக பல்வேறு உதவிகளை தொடர்ந்து செய்து வருகிறார். PPE, என்95 முகக்கவசங்கள் உள்ளிட்டவற்றை தொடர்ந்து மருத்துவர்களுக்கு வாங்கி வழங்கி வருகிறார் அவர். கேரளா மட்டுமின்றி தமிழ்நாடு, மகாராஷ்ட்ரா உள்ளிட்ட மாநிலங்களுக்கும் அவர் உதவி வருகிறார்.

இந்நிலையில் இன்று உலக செவிலியர் தினம் என்பதால் அவர்களின் அர்ப்பணிப்பு மற்றும் சேவையை பாராட்டி பிரபலங்கள் பலரும் சமூக வலைத்தளங்களில் நன்றி கூறி வருகின்றனர். மோகன்லால் அவர்களுக்கு நன்றி கூறி ஒரு ஆடியோ ட்விட்டரில் வெளியிட்டுள்ளார்.

மேலும் அவர் UAEயில் மருத்துவமனைகளில் பணியாற்றி வரும் செய்விலியர்கள் பலருக்கு நேரடியாக போன் செய்து பேசி ஊக்கம் கொடுத்துள்ளார். அவர்கள் மோகன்லாலின் போன் காலால் அதிகம் சர்ப்ரைஸ் ஆகியுள்ளனர்.

தங்கள் வாழ்க்கையிலேயே மறக்க முடியாத ஒன்றாக இது இருக்கும் என அவர்கள் தெரிவித்துள்ளனர். இது பற்றி பேட்டி அளித்துள்ள ஒரு செவிலியர், ‘நான் பொதுவாக வேலை நேரத்தில் unknown நம்பர்களில் இருந்து அழைப்புகளை எடுக்க மாட்டேன். போன் பேச வேண்டும் என்றால் பாதுகாப்பு கவசம், மாஸ்க் உள்ளிட்டவற்றை நீக்க வேண்டும். ஆனால் மோகன்லாலின் காலை நான் எடுக்காமல் விட்டிருந்தால் அதற்கு பின்னர் அதிகம் வருத்தப்பட்டிருப்பேன்’ என தெரிவித்துள்ளார்.

செவிலியர்களுக்கு ஊக்கம் அளிக்கும் விதத்தில் மோகன்லால் செய்துள்ள இந்த விஷயத்திற்கு பல்வேறு தரப்பினரும் பாராட்டு தெரிவித்து வருகின்றனர்.



Source link

Leave a Reply

Your email address will not be published. Required fields are marked *