priya bhavani Shankar: காதலர் ராஜ்வேலை பிரிந்த ப்ரியா பவானி சங்கர்? – actress priya bhavani shankar is no loner with rajvel?


சின்னத்திரையில் இருந்து பெரிய திரைக்கு வந்து வேகமாக வளர்ந்து கொண்டிருப்பவர் ப்ரியா பவானி சங்கர். அவர் சின்னத்திரையில் இருந்த காலத்திலேயே அவருக்கு ஏகப்பட்ட ரசிகர்கள் உண்டு. ப்ரியா கல்லூரியில் படித்தபோதில் இருந்தே ராஜ்வேல் என்பவரை காதலித்து வருகிறார்.

ராஜ்வேலை திருமணம் செய்து கொண்டு வெளிநாட்டில் செட்டில் ஆகத் தான் ப்ரியா சின்னத்திரைக்கு குட்பை சொன்னதாக பேசப்பட்டது. அதை பார்த்த ரசிகர்கள் தயவு செய்து மீண்டும் நடிக்க வாங்க என்று கெஞ்சினார்கள். அதன் பிறகு ப்ரியா மேயாதமான் படம் மூலம் கோலிவுட்டில் அறிமுகமானார்.

ராஜ்வேலுடனான காதல் முறிந்துவிட்டது போன்று அதனால் தான் ப்ரியா திருமணம் செய்து கொள்ளாமல் மீண்டும் நடிக்க வந்துவிட்டார் என்று கூறப்பட்டது. ஆனால் ப்ரியா ராஜ்வேல் பற்றி அவ்வப்போது சமூக வலைதளத்தில் போஸ்ட் போடுகிறார். ராஜ்வேலின் பிறந்தநாளுக்கு அவரை வாழ்த்தி ப்ரியா போட்ட உருக்கமான போஸ்ட்டை பார்த்தவர்கள் இருக்கு, அவர்களிடையே நிச்சயம் காதல் இருக்கு என்றார்கள். இந்நிலையில் மீண்டும் பிரேக்கப் பற்றி பேச்சு கிளம்பியுள்ளது.

இம்முறை பிரேக்கப் பேச்சு கிளம்ப ப்ரியா பவானி சங்கர் போட்ட இன்ஸ்டாகிராம் போஸ்ட் தான் காரணம். அந்த போஸ்ட்டில் ப்ரியா கூறியதாவது,

சித்ரா பௌர்ணமி இரவு!

போன வருஷம் இதே நாள், ‘கிரிவலம் போனா, மூனு மாசத்துல வேண்டிக்கிட்டத கடவுள் கண்டிப்பா குடுப்பார்’னு friend சொன்னத நம்பி மனசு நிறைய ஒரே வேண்டுதல சுமந்துகிட்டு இரவோட இரவா பௌர்ணமிய தொரத்திக்கிட்டு திருவண்ணாமலை போனேன். கடவுள் கேட்டத குடுக்கலனாலும் பரவாயில்லை கிழித்து என் முகத்துலயே எறிந்து கை தட்டி சிரித்தார்.

ஒரு வருஷம் எப்படி போச்சுன்னே தெரியல. மனிதர்களையும் அவர் குணங்களையும் நாம் பிடிவாதமாக பார்க்க மறுத்த கோணத்தில் காலம் காட்டியது. ரெண்டு சித்ரா பௌர்ணமிக்கு இடையே வாழ்க்கை மட்டுமில்ல உலகமே மாறிடுச்சு.நான் மட்டும் இல்ல, உலகமே தனிமையில். ஏனோ கிடைத்த கைகளை பற்றிக்கொண்டு கிடைத்த தோளில் ஒட்டிக்கொண்டு அவசரவசரமாக அடுத்த வாழ்க்கைக்கு தயாராக இந்த தனிமை தூண்டவில்லை.

தனிமையில் நிற்க நமக்கு ஏன் இவ்வளவு பயம்? பதற்றம்? கேட்டதை தராமல் நல்லதை தந்த கடவுள் மேலயும் சித்ரா பௌர்ணமி மேலயும் கோவம் குறைஞ்சு தனிமையின் வெளிச்சத்தில் நிதானமாக தெளிவாக, எந்த எதிர்ப்பும் இன்றி, கிடைத்ததே என்று எந்த பிடிப்புமின்றி நான். கிரிவலம் போகாமல், முன் எப்பொழுதையும் விட அமைதியாக தனிமையின் கம்பீரத்தோடு என் வீட்டு மாடியில் சித்ரா பௌர்ணமி.
மாற்றங்கள் தரும் வலிகள் பழகக்கூடும்
வலித்து மரத்து அடங்கிய பின் வரும் தெளிவு அழகு என்று தெரிவித்தார்.

இந்த போஸ்ட்டை பார்த்து தான் ப்ரியாவும், ராஜ்வேலும் பிரிந்துவிட்டதாக பேசத் துவங்கியுள்ளனர். ஆனால் ப்ரியாவின் இந்த போஸ்ட்டை ராஜ்வேலும் லைக் செய்துள்ளார். தன் காதல் வாழ்க்கை பற்றி ஆளாளுக்கு பேசுவதை பார்த்த ப்ரியா தற்போது மேலும் ஒரு போஸ்ட் போட்டுள்ளார்.

தான் செல்போனை பார்த்து சிரிக்கும் புகைப்படத்தை வெளியிட்டு தன்னை பற்றிய கிசுகிசுக்களை படிக்கும்போது இப்படித் தான் என்று தெரிவித்துள்ளார்.

அப்படி என்றால் முந்தைய போஸ்ட் பிரேக்கப் பற்றி இல்லை எனில் ப்ரியாவுக்கு அப்படி என்ன பிரச்சனை என்று ரசிகர்கள் கேள்வி எழுப்பியுள்ளனர்.





Source link

Leave a Reply

Your email address will not be published. Required fields are marked *