Rana Daggubati: ராணா கல்யாணம் பற்றி ராஜமவுலி சொன்னது மாதிரியே நடந்திடுச்சே – ss rajamouli’s words about rana’s wedding turns out to be true


பல காலமாக ஜாலியாக சிங்கிளாக சுற்றிய ராணா டிசைனர் மிஹீகா பஜாஜிடம் காதலை சொல்ல அவரும் ஏற்றுக் கொண்டார். அந்த காதலுக்கு இரு வீட்டாரும் பச்சைக் கொடி காட்டிவிட்டார்கள். இதையடுத்து வரும் டிசம்பர் மாதம் ராணா, மிஹீகா திருமணத்தை நடத்த முடிவு செய்துள்ளனர்.

Rana Daggubati த்ரிஷாவின் நண்பர் ராணா திருமணம் செய்யப் போகும் மிஹீகா யார் தெரியுமா?

முன்னதாக பாகுபலி படத்தில் நடித்து முடித்தபோது ராணா, பிரபாஸ் ஆகியோர் இயக்குநர் ராஜமவுலியுடன் சேர்ந்து காபி வித் கரண் நிகழ்ச்சியில் கலந்து கொண்டார்கள். அப்பொழுது கரண் ஜோஹார் ராஜமவுலியை பார்த்து பிரபாஸ், ராணா ஆகிய இருவரில் யாருக்கு முதலில் திருமணம் நடக்கும் என்று கேட்டார்.

அதற்கு ராஜமவுலி கூறியதாவது,

பிரபாஸ் ஒரு ஆக சோம்பேறி. அதனால் அவருக்கு முதலில் திருமணம் நடக்காது என்றே நினைக்கிறேன். ராணாவுக்கு தான் முதலில் திருமணம் நடக்கும். ராணா எதையும் திட்டமிட்டு செய்பவர். மொத்த வாழ்க்கையையும் இப்படித் தான் என்று திட்டமிட்டு வாழ்பவர். அந்த திட்டத்தில் திருமணமும் உள்ளது.

அந்த திருமணம் நிலைத்திருக்குமா என்பது எனக்கு தெரியாது என்று கூறி சிரித்தார். தன் நெருங்கிய நண்பர்கள் எல்லாம் திருமணம் செயது கொள்வதால் தனக்கும் திருமணம் செய்யும் ஆசை ஏற்பட்டுள்ளதாக ராணா அந்த நிகழ்ச்சியில் கூறினார் என்பது குறிப்பிடத்தக்கது.

ராஜமவுலி சொன்னது போன்று ராணாவுக்கு தான் முதலில் திருமணம் நடக்கப் போகிறது. யார் கண்டா, பிரபாஸ் வீட்டில் அவருக்கு பெண் பார்த்து ராணாவுக்கு முன்பு திருமணம் நடந்தாலும் நடக்கலாம். பிரபாஸுக்கு பல காலமாக பெண் பார்த்துக் கொண்டிருக்கிறார்கள். முன்னதாக சிரஞ்சீவியின் தம்பி மகள் நிஹாரிகாவுக்கும் பிரபாஸுக்கும் திருமணம் நடக்கப் போகிறது என்று செய்திகள் வெளியாகின. இதை நிஹாரிகா மறுத்தார்.

பிரபாஸின் ரசிகர்களுக்கோ அவர் அனுஷ்காவை திருமணம் செய்ய வேண்டும் என்று ஆசை. பிரபாஸுக்கும் சரி, அனுஷ்காவுக்கும் சரி வயது ஏறிக் கொண்டே போகிறது. அனுஷ்காவுக்கு அவர் வீட்டில் மாப்பிள்ளை பார்த்துக் கொண்டு தான் இருக்கிறார்கள். ஆனால் இதுவரை எந்த மாப்பிள்ளையும் செட்டாகவில்லை.

திருமணம் தொடர்பாக அனுஷ்கா தன் பெற்றோருடன் கோவில், கோவிலாக சென்று பிரார்த்தனை எல்லாம் செய்கிறார். பிரபாஸுக்கும் பெண் செட்டாகவில்லை, அனுஷ்காவுக்கும் மாப்பிள்ளை கிடைக்கவில்லை. அதனால் பிரபாஸும், அனுஷ்காவும் ஏன் திருமணம் செய்யக் கூடாது. திரையில் பார்க்கவே அற்புதமான ஜோடியாக இருக்கும் அவர்கள் நிஜத்திலும் சேர்ந்தால் செமயாக இருக்கும் என்கிறார்கள் ரசிகர்கள்.

அனுஷ்காவை நான் காதலிக்கவில்லை. அவரை எனக்கு பல ஆண்டுகளாக தெரியும். அவர் என் குடும்ப நண்பர். நட்பை தாண்டி எங்களுக்கு இடையே வேறு எதுவும் இல்லை என்று பிரபாஸ் பல முறை விளக்கம் அளித்துவிட்டார். இந்த விஷயம் தொடர்பாக அனுஷ்கா அமைதி காத்து வருகிறார்.

பிரபாஸ் நட்பு என்கிறார், ஆனால் அவர் பேச்சை நம்பாமல் அவருக்கும், அனுஷ்காவுக்கும் இடையே இருப்பது காதல் தான் என்கிறார்கள் ரசிகர்கள். பிரபாஸுக்கும், யாராவது ஒரு பெண்ணுக்கும் திருமணம் என்று வதந்தி பரவும்போது எல்லாம் ரசிகர்கள் அதிர்ச்சி அடைகிறார்கள். அவர்களால் அனுஷ்காவை தவிர வேறு யாரையும் பிரபாஸ் மனைவியாக பார்க்க முடியவில்லை.



Source link

Leave a Reply

Your email address will not be published. Required fields are marked *