simbu: நயனுக்கும், ஹன்சிகாவுக்கும் கொடுத்து வைக்கல: சிம்பு ரசிகர்கள் – female fans are impressed after seeing simbu in kitchen


சிம்புவின் வாழ்வில் இரண்டு முறை காதல் வந்தது. வல்லவன் படத்தில் நடித்தபோது நயன்தாராவுடன் சிம்புவுக்கு காதல் ஏற்பட்டது. ஆனால் அந்த காதல் நிலைக்கவில்லை. அதன் பிறகு வாலு படத்தில் நடித்தபோது சிம்புவும், ஹன்சிகாவும் காதலித்தார்கள். அந்த காதல் துவங்கிய வேகத்தில் முறிந்துவிட்டது. ஆனால் அந்த காதல் முறிவுக்கு தானோ, ஹன்சிகாவோ காரணம் இல்லை என்றார் சிம்பு. அப்படி என்றால் அந்த காதல் முறிய யார் தான் காரணம் என்று கேட்ட ரசிகர்களின் கேள்விக்கு இன்று வரை சரியான பதில் கிடைக்கவில்லை.

சிம்புவின் தம்பிக்கும், தங்கைக்கும் திருமணமாகிவிட்டது. சிம்புவுக்கு விரைவில் திருமணம் நடக்க வேண்டும் என்பது தான் அவரின் பெற்றோரின் கவலையே. சிம்புவுக்காக அவர்களும் தொடர்ந்து பெண் தேடிக் கொண்டிருக்கிறார்கள். ஆனால் அவருக்கு ஏற்ற பெண் இதுவரை அமையவில்லை. பெண் கிடைக்கவில்லை என்கிற கவலை சிம்புவுக்கு இல்லை. அவர் தொடர்ந்து படங்களில் கவனம் செலுத்தி வருகிறார்.

சிம்புனா வம்பு என்று பேசியவர்கள் கண் முன்பே ஆளே மாறிப் போய் அநியாயத்திற்கு புது மனிதராகிவிட்டார். சிம்பு சரியான நேரத்திற்கு படப்பிடிப்புக்கு வந்ததாக சரித்திரமே கிடையாது என்று கூறியவர்கள் வியக்கும்படி குறித்த நேரத்திற்கு ஷூட்டிங்கிற்கு வந்து பொறுமையுடன் நடித்துக் கொடுக்கிறார். சிம்பு நல்லபடியாக ஆகிவிட்டார் ஆனால் திருமணம் செய்தால் தன்னை நம்பி வரும் பெண்ணை பத்திரமாக பார்த்துக் கொள்வாரா என்று பேசியவர்களுக்கு பதில் அளிக்கும் வகையில் வீடியோ வெளியாகியுள்ளது.

அந்த வீடியோவில் சிம்பு சமைப்பது பெரிய விஷயம் அல்ல. ஆனால் தன்னை திருமணம் செய்து கொண்டு வரும் பெண் வேலை செய்வதற்காக ஒன்றும் வரவில்லை. அவருக்கு விருப்பம் இருந்தால் சமைக்கட்டும். வாழ்க்கைத் துணையாக வருகிறார். வேலைக்காரியாக வரவில்லை. நான் என் மனைவியை அப்படி ட்ரீட் பண்ண மாட்டேன். என் பொண்டாட்டி சந்தோஷமாக இருக்க வேண்டும் என தான் நினைக்கிறேன் என்று சிம்பு அந்த வீடியோவில் கூறியதை கேட்டு ரசிகைகள் அசந்துவிட்டனர். ரசிகர்களோ, அண்ணி ரொம்ப கொடுத்து வைத்தவர் என்று தெரிவித்துள்ளனர்.

சிம்பு இந்த அளவுக்கு நல்லவரா என்று நெட்டிசன்கள் வியந்து பேசிக் கொண்டிருக்கிறார்கள். சிம்புவை கட்டிக்கப் போகும் அந்த அதிர்ஷ்டசாலி பெண் யாரோ என்கிற கேள்வி எழுந்துள்ளது. சிம்புவுக்கு திருமணம் என்று அறிவிப்பு வெளியாகும் போது அந்த அதிர்ஷ்டசாலி யார் என்பது தெரிய வரும்.

லாக்டவுனால் வீட்டில் முடங்கியிருக்கும் சிம்பு நேரத்தை வீணடிக்காமல் ஒர்க்அவுட் செய்து கொண்டிருக்கிறார். வெங்கட் பிரபு இயக்கத்தில் நடிக்கும் மாநாடு படத்தில் கும்மென்று இருக்க வேண்டும் என்பதால் உடலை தேற்றிக் கொண்டிருக்கிறார்.

அப்துல் காலிக்காக மாநாட்டில் சிம்பு பேசும் அரசியலை பார்க்கத் தான் அவரின் ரசிகர்கள் தவமாய் தவமிருந்து கொண்டிருக்கிறார்கள். இந்நிலையில் சிம்பு தன் பெற்றோருக்கு வகை, வகையாக சமைத்துப் போட்டு அசத்துவதை அறிந்து ரசிகர்கள் செம ஹேப்பி அண்ணாச்சி.

சிம்புவுக்கு பிரியாணி என்றால் மிகவும் பிடிக்கும். அடிக்கடி பிரியாணியை ஃபுல் கட்டு கட்டுவார் என்று தெரியும். ஆனால் அந்த மனுஷன் இப்படி சமைத்து அசத்துவார் என்று எதிர்பார்க்கவில்லையே என பலரும் தெரிவித்துள்ளனர்.

விஸ்வாசத்தில் அஜித் நடிச்சது தெரியும், ஆனால் ‘இந்த’ விஷயம் செஞ்சது தெரியுமா?



Source link

Leave a Reply

Your email address will not be published. Required fields are marked *