Sivakarthikeyan: சிவகார்த்திகேயனின் டாக்டர் ரிலீஸ் தேதி இது தான்? லேட்டஸ்ட் தகவல் – sivakarthikeyan’s doctor likely to release for christmas 2020


நடிகர் சிவகார்த்திகேயன் தற்போது தன் கைவசம் டாக்டர் மற்றும் அயலான் ஆகிய படங்கள் வைத்துள்ளார். இதில் டாக்டர் படத்தினை நெல்சன் இயக்கி வருகிறார்.

நெல்சன் இயக்குனராக அறிமுகம் ஆன கோலமாவு கோகிலா படம் நல்ல வரவேற்பை பெற்ற நிலையில் அடுத்து அவர் இயக்கும் படம் தான் டாக்டர்.

சென்ற வருடம் டிசம்பரில் துவங்கிய இந்த படத்தின் ஷூட்டிங் கொரோனா லாக்டவுன் போடப்படும் முன்பு கோவாவில் நடைபெற்று வந்தது. அரசு கட்டுப்பாடுகளை விதிக்க துவங்கியதால் ஷூட்டிங் ரத்து செய்யப்பட்டு சென்னை திரும்பியது படக்குழு.

சமீபத்தில் போஸ்ட் ப்ரொடக்ஷன் பணிகள் மேற்கொள்ள அரசு அனுமதி அளித்த நிலையில் டாக்டர் படத்தின் எடிட்டிங் பணிகள் மீண்டும் துவங்கப்பட்டுள்ளது. இந்நிலையில் தற்போது இந்த படத்தின் ரிலீஸ் தேதி பற்றி ஒரு புதிய தகவல் வெளியாகியுள்ளது.

மீண்டும் ஷூட்டிங் நடத்த அரசு அனுமதி அளித்து அனைத்து படப்பிடிப்பும் நவம்பரில் முடிக்கப்பட்டால் டாக்டர் படத்தை டிசம்பரில் கிறிஸ்துமஸ் விடுமுறைக்கு ரிலீஸ் செய்ய உள்ளதாக தகவல் வெளியாகியுள்ளது. இருப்பினும் இதுபற்றி அதிகாரப்பூர்வ அறிவிப்பு எதுவும் வரவில்லை.

சிவகார்த்திகேயன் பிறந்தநாளான பிப்ரவரி 17ம் தேதி அன்று டாக்டர் படத்தின் பர்ஸ்ட் லுக் போஸ்டர் வெளியிடப்பட்டது. அதில் சிவகார்த்திகேயன் சேரில் அமர்ந்திருப்பது போலவும், கையில் ரத்தக்கரையுடன் இருக்கும் அவரை சுற்றி டாக்டர்கள் அறுவை சிகிச்சை செய்யப் பயன்படுத்தும் கத்திகள் இருப்பது போலவும் காட்டப்பட்டு இருந்தது. அந்த போஸ்டர் ரசிகர்கள் மத்தியில் நல்ல வரவேற்பை பெற்றது குறிப்பிடத்தக்கது.

டாக்டர் படத்தின் இறுதிக்கட்ட ஷூட்டிங் கோவாவில் நடைபெறும் என்று கூறப்படுகிறது. இதில் ஹீரோயினாக பிரியங்கா அருள் மோகன் நடித்து வருகிறார். அவர் தமிழ் பெண் தான் என்றாலும் முதலில் நடிக்க துவங்கியது கன்னட சினிமாவில் தான். அதற்கு பிறகு அவர் தெலுங்கில் கேங் லீடர் என்ற படத்தில் நடித்தார். அதற்கு நல்ல வரவேற்பு கிடைத்த நிலையில் டாக்டர் படம் மூலமாக தமிழ் சினிமாவில் களமிறங்குகிறார்.

அவர் மட்டுமின்றி யோகி பாபு, வினய் மற்றும் அர்ச்சனா ஆகியோர் முக்கிய ரோல்களில் நடிக்கின்றனர். இதற்கு அனிருத் இசையமைத்து வருகிறார்.

சிவகார்த்திகேயனின் மற்றொரு படமான அயலான் படத்தினை ஆர்.ரவிக்குமார் இயக்கி வருகிறார். இதற்கு ஏ. ஆர். ரகுமான் இசையமைக்கிறார். சிவகார்த்திகேயனுக்கு அவர் இசையமைப்பது இது தான் முதல் முறை. படத்தின் பர்ஸ்ட் லுக் போஸ்டரிலேயே ஒரு ஏலியன் இருப்பது போல காட்டப்பட்டு இருந்தது. அதனால் இந்த சயின்ஸ் பிக்ஷன் படத்தின் கதை வேற்று கிரக வாசிகள் பற்றித்தான் இருக்கும் என எதிர்பார்க்கப்படுகிறது.

இந்த படத்தில் ராகுல் ப்ரீத் சிங், ஈஷா கோபிகர், யோகி பாபு, கருணாகரன், பானுப்ரியா, பால சரவணன் உள்ளிட்ட பலர் நடிக்கின்றனர். தமிழ், தெலுங்கு, ஹிந்தி, கன்னடா, மலையாளம் என ஐந்து மொழிகளில் ஒரே நேரத்தில் இந்தியா முழுவதும் ரிலீஸ் ஆகிறது அயலான் படம்.

சிவகார்த்திகேயன் தனது சொந்த தயாரிப்பு நிறுவனம் மூலமாக இதை தயாரிக்கிறார். பைனான்ஸ் பிரச்சனை காரணமாக நிறுத்தப்பட்டு இருந்த இந்த படத்தின் ஷூடிட்ங் இந்த வருட துவக்கத்தில் தான் மீண்டும் துவங்கியது குறிப்பிடத்தக்கது.



Source link

Leave a Reply

Your email address will not be published. Required fields are marked *