Solanki Diwakar: சினிமா துறை முடங்கியதால் தெருவில் பழ வியாபாரம் செய்யும் நடிகர் – actor solanki diwakar sells fruits in streets during corona lockdown


கொரோனா தொற்று உலகம் முழுவதும் மிகப்பெரிய தாக்கத்தை ஏற்படுத்தியுள்ளது. பல்வேறு துறைகளும் இதனால் பாதிக்கப்பட்டுள்ளன. இதனால் ஆட்குறைப்பு, பணி நீக்கம் என பல நிறுவனங்கள் அதிரடி முடிவுகள் எடுத்து வருவதை சமீப வாரங்களாக அதிகம் பார்க்கிறோம்.

இதுபோல சினிமா துறையிலும் அதிக பாதிப்பு ஏற்பட்டுள்ளதால் சினிமா தயாரிப்பாளர்களும் நடிகர்களின் சம்பளத்தினை குறைக்க வேண்டும் என கேட்டு வருகின்றனர். பல நடிகர்கள் தாங்களாகவே முன்வந்து தங்கள் சம்பளத்தை குறைத்துக் கொண்டுள்ளனர். நடிகர் விஜய் ஆண்டனி தனது சம்பளத்தில் இருந்து ஒரு கோடி ருபாய் குறைத்துக்கொண்டதாக செய்திகள் வந்தது உங்களுக்கு நினைவிருக்கும்.

மறுபுறம் சினிமாவை மட்டுமே நம்பி இருக்கும் பல ஆயிரம் தொழிலாளர்கள் மற்றும் சிறிய நடிகர்கள் வேலை இல்லாததால் வருமானம் இன்றி கடுமையாக பாதிக்கப்பட்டுள்ளனர். அவர்களுக்கு பெரிய சினிமா நட்சத்திரங்கள் மற்றும் தயாரிப்பாளர்கள் உட்பட பலரும் அரிசி உள்ளிட்ட உதவி பொருட்களை வழங்கி வருகின்றனர்.

லாக் டவுன் படிப்படியாக தளர்த்தப்பட்டு ஒரு சில வணிக நிறுவனங்கள், கடைகள் இயங்க அரசு அனுமதி அளித்துள்ளது. ஆனால் இன்னும் திரைப்படங்கள் ஷூட்டிங்கிற்கு அனுமதி வழங்க படவில்லை.

இந்நிலையில் லாக்டவுனால் வருமானம் இல்லாமல் இருக்கும் பிரபல பாலிவுட் நடிகர் ஒருவர் தெருவில் பழங்கள் விற்று வருகிறார் என்கிற செய்தி வைரலாகி உள்ளது. ஆயுஷ்மான் குரானா நடித்த Dream Girl படத்தில் நடித்திருந்த சோலாங்கி திவாகர் தான் இப்படி பழ வியாபாரம் செய்து வருகிறார்.

நடிப்பு மீது அளவுகடந்த ஈடுபாடு கொண்ட அவருக்கு சில படங்களில் மிகச்சிறிய ரோல்களில் நடிக்க வாய்ப்பு வருகிறது. அதில் வரும் வருமானத்தை கொண்டு அவரால் குடுமபத்தை நடத்த முடியவில்லை. அதனால் அவர் டெல்லியின் மால்வியா நகர் மற்றும் லஜ்பத் நகர் ஆகிய இடங்களில் தள்ளு வண்டியில் பழ வியாபாரம் செய்து வருகிறார்.

உத்தர பிரதேசத்தை சேர்ந்த அவர் சிறு வயதில் தியேட்டர்களில் இடைவேளையில் ஸ்னாக்ஸ் விற்கும் வேலையை செய்து வந்திருக்கிறார். நடிப்பின் மீது அப்போது இருந்தே ஆர்வம் இருந்துள்ளது. அதன் பின் நடிப்பில் அதிக வருமானம் இல்லாததால் தற்போது வியாபாரம் செய்து வருகிறார். தனக்கு வேறு வழி இல்லை என்றும் கூறியுள்ளார் அவர்.

அடுத்து திவாகர் நெட்பிலிக்ஸ் தயாரிக்கும் தி ஒயிட் டைகர் என்ற படத்தில் அவர் நெகடிவ் வேடத்தில் நடித்து உள்ளார். அடுத்து பல வாய்ப்புகள் வரும் என்றும் காத்திருக்கிறார் அவர்.

அவரது பெரிய வருத்தம் தற்போது எண்ணவென்றால், சமீபத்தில் காலமான நடிகர் ரிஷி கபூர் உடன் நடிக்க முடியாமல் போய் விட்டதே என்பது தான். ரிஷி கபூர் நடிக்கவிருந்த ஷர்மாஜி நாம்கீன் என்ற படத்தில் ஒரு சிறிய காட்சியில் நடிக்க திவாகர் ஒப்பந்தம் ஆகி இருந்தார். லாக்டவுன் காரணமாக படத்தின் ஷூட்டிங் நிறுத்தப்பட்ட நிலையில், உடல்நல குறைவு காரணமாக ரிஷி கபூர் காலமானார். அதனால் ஒரு ஜாம்பவான் உடன் நடிக்க முடியாமல் போனது பற்றி வருத்தத்துடன் பேசியுள்ளார் சோலாங்கி. இதற்காக வாழ்க்கை முழவதும் வருத்தப்படுவேன் என்றும் கூறியுள்ளார் அவர்.



Source link

Leave a Reply

Your email address will not be published. Required fields are marked *